“பாதாம்கீர்” படத்தின் பதாகையை நடிகர் கவுதம் ராம் கார்த்திக் வெளியிட்டுள்ளார்

லார்ட்ஸ் பி தி இன்டர்நேஷனல் புரொடக்ஷன்ஸ் தயாரிப்பில், அறிமுக இயக்குநர் ஜெய் சக்தி பிரகாஷ் இயக்கத்தில், உருவாகி வரும் காதல்  நகைச்சுவை திரைப்படமான ‘பாதாம்கீர்’ படத்தின் தலைப்பு மற்றும் முதல்காட்சி பதாகை வெளியாகியுள்ளது. இந்த பதாகையை நடிகர் கவுதம் ராம் கார்த்திக் தனது சமூக வலைத்தள பக்கங்கள் வழியாக வெளியிட்டுள்ளார். பதாகை வெளியாகியதுடன் ரசிகர்களிடையே  நல்ல வரவேற்பைப் பெற்று வருகிறது. இப்படத்தில் சிவகுமார் மற்றும் ஆன் ஷீத்தல் நாயகன் நாயகியாக நடிக்கின்றனர். இவர்களுடன் சதீஷ், டேனியல் ஆன்னி போப், பிரதீப் ஜோஷ் ஆகியோர் முக்கிய கதாப்பாத்திரங்களில் இணைந்து நடித்துள்ளனர். மேலும் யோகிபாபு மற்றும் எம் கார்த்திக் முக்கியமான கதாப்பாத்திரங்களில் தோன்றுகின்றனர். மதுமிதா, பிரதீப் ஜோஷ், வழக்கு எண் முத்துராமன் மற்றும் லிஜா உள்ளிட்டோரும் முக்கிய வேடங்களில் நடித்துள்ளனர். சென்னை, பாண்டிச்சேரி மற்றும் மூணாறு உள்ளிட்ட பகுதிகளில் இப்படத்தின் படப்பிடிப்பு வெற்றிகரமாக நிறைவு பெற்றுள்ளது. தற்போது இறுதிக்கட்ட பின்னணி பணிகள் நடைபெற்று வரும் நிலையில், விரைவில் முன்னோட்டம் மற்றும் அடுத்தடுத்த பதிவேற்றங்கள் வெளியாகும் என எதிர்பார்க்கப்படுகிறது.