வீர தீர சூரன் – ஜனவரி 24-ஆம் தேதி வெளியீடு

‘சித்தா’ பட இயக்குனர் அருண் குமார் இயக்கத்தில் விக்ரம் அவரது 62-வது படமாக ‘வீர தீர சூரன்’ படத்தில் நடித்து முடித்துள்ளார். இரு பாகங்களாக உருவாகும் இப்படத்தின் 2-ம் பாகத்தை முதலில் வெளியிட உள்ளனர். இப்படத்தில் எஸ்.ஜே.சூர்யா, சுராஜ் வெஞ்சராமுடு, சித்திக், துஷரா விஜயன் உள்ளிட்டோர் முக்கிய கதாபாத்திரத்தில் நடித்துள்ளனர். சிபு தமின்ஸ் தயாரித்துள்ள இப்படத்திற்கு ஜி.வி.பிரகாஷ் இசையமைத்துள்ளார். மதுரையை கதைக்களமாக கொண்டு உருவாக்கப்பட்டுள்ள இப்படத்தின் பதாகை காணொளிகள் ரசிகர்களிடம் வரவேற்பை பெற்றுள்ளது. ரசிகர்களின் வரவேற்பை பெற்றுள்ள இப்படம் அடுத்தாண்டு ஜனவரி மாதம் 24-ந்தேதி வெளியிட என படக்குழு திட்டமிட்டுள்ளனர். குடியரசு தின விழா விடுமுறையையொட்டி இப்படத்தை வெளியிடப்படலாம் என்று கூறப்படுகிறது. முன்னதாக, இப்படம் பொங்கலுக்கு வெளியாகும் என தகவல் வெளியான நிலையில், ‘கேம் கேஞ்சர் படம்’ பொங்கலுக்கு வெளியாவதால் ஜனவரி 24-ந்தேதி வெளியிட தயாரிப்பு நிறுவனம் முடிவு செய்துள்ளதாக தகவல் வெளியாகி உள்ளது.