தங்கலான் படத்திற்கு சிறப்பான வரவேற்பு – ஜி.வி.பிரகாஷ் பேட்டி!

சென்னை ஷெனாய் நகரில் நடைபெற்ற நிகழ்ச்சி ஒன்றில் சிறப்பு விருந்தினராக பங்கேற்ற நடிகரும் இசையமைப்பாளருமான ஜி.வி. பிரகாஷ் மாற்றுத்திறனாளி மாணவர்களுக்கு ஒலியியல் இயந்திர கருவிகளை வழங்கினார். பின்னர் ஜி.வி. பிரகாஷ் செய்தியாளர்களை சந்தித்த பேசினார். அப்போது பேசிய அவர் கூறியதாவது: ‘தங்கலான்’ திரைப்பட பாடல் மிகவும் நன்றாக வந்துள்ளது. அனைத்து திரைப்படங்களுக்கும் சிறப்பாகதான் இசை அமைக்க நினைக்கிறோம். ரசிகர்களின் வரவேற்பு சில திரைப்படங்களுக்கு சரியாக அமைவதில்லை. ‘ஆயிரத்தில் ஒருவனுக்கு’ திரைப்படத்திற்கு முதலில் கிடைக்காத வரவேற்பு, தற்போது ‘தங்கலான்’ திரைப்படத்திற்கு கிடைத்துள்ளது. தொடர்ந்து 5 ஆவது நாளாக டிரெண்டிங்கில் உள்ளது. ‘தங்கலான்’  திரைப்படத்தில் என்னுடைய உழைப்பு எல்லோருக்கும் தெரிகிறது என்பது மகிழ்ச்சியாக உள்ளது.” இவ்வாறு அவர் தெரிவித்தார்.