‘கேங்கர்ஸ்’ படம் 2 நாளில் ரூ.4.2 கோடி வசூல்

சுந்தர்.சி – வடிவேலு கூட்டணியில் உருவாகியுள்ள திரைப்படம் ‘கேங்கர்ஸ்’. சுமார் 15 ஆண்டுகள் இடைவெளிக்கு பிறகு மீண்டும் இந்த கூட்டணி இணைந்ததால் இப்படத்தின் மீதான எதிர்பார்ப்பு அதிகமாக இருந்தநிலையில், கடந்த 24-ந் தேதி திரையரங்குகளில் இப்படம் வெளியானது. கேத்ரின் தெரசா, வாணி போஜன், ஹரிஷ் பெரடி, மைம் கோபி, முனிஸ்காந்த், பக்ஸ் ஆகியோர் முக்கிய கதாபாத்திரங்களில் நடித்திருக்கும் இந்த படம் தமிழ்நாட்டில் 300-க்கும் அதிகமான திரையரங்குகளில் வெளியீடு ஆன நிலையில் ரசிகர்கள் மத்தியில் பாசிடிவான விமர்சனங்களை பெற்று வருகிறது. இந்தநிலையில் ‘கேங்கர்ஸ்’ திரைப்படம் இரண்டு நாட்களில் ரு. 4.2 கோடி வசூல் செய்திருப்பதாக தகவல் வெளியாகி இருக்கிறது.