Toronto Mayor John Tory and Councilor Jennifer Mckelvie visit Local Tamils owned Businesses

ஸ்காபுறோவில் உள்ள தமிழர் வர்த்தக நிறுவனங்களுக்கு விஜயம் செய்த ரொறன்ரொ நகர மேயர் மற்றும் நகர சபை அங்கத்தவர்

ரொறன்ரோ மாநகர மேயர் ஜோன் ரோரி மற்றும் ஸ்காபுறொ ரூஜ்பார்க் வட்டாரத்தின் மாநகர அங்கத்தவர் திருமதி ஜெனிபர் ஆகியோர் ஸ்காபுறோவில் அமைந்துள்ள இரா சுப்பர் மார்க்கட். ரூஜ் பேக்கரி, ஏர்பன் சில்கஸ் அக்ஸயாஸ் புடவை மாளிகை மற்றும் ஆகியவற்றுக்கு நட்பான சுற்றுப் பயணம் ஒன்றை மேற்கொண்டனர். அவர்களை வரவேற்கும் வகையில் ‘ உதயன்’ பத்திரிகையின் பிரதம ஆசிரியர் லோகேந்திரலிங்கம் தனது பாரியார் சகிதம் பொன்னாடை போர்த்தி கௌரவித்தார்கள்.

தொடர்ந்து வீடு விற்பதைத்துறை காப்புறுதித் தறை வர்த்தகப் பிரமுகர் ஜெயா நடராஜா மற்றும் யுகம் வானொலி அதிபர் கணபதி ரவீந்திரன் ஆகியோர் மலர் மாலை அணிவித்து வரவேற்றனர்.
தொடர்ந்து இந்தக் குழுவினர் மேற்படி நான்கு தமிழர் வர்த்தக நிறுவனங்களுக்கும் விஜயம் செய்தனர்.

அன்றைய தினம் ரொறன்ரோ மாநகர மேயர் ஜோன் ரோரி மற்றும் ஸ்காபுறொ ரூஜ்பார்க் வட்டாரத்தின் மாநகர அங்கத்தவர் திருமதி ஜெனிபர் ஆகியோர் மிகவும் உற்சாகமாக தாங்கள் சந்தித்த அனைத்து தமிழ் பேசும் மக்களோடு நேசத்துடன் உரையாடி மகிழ்ந்தனர்.