பிரதமருக்கு எதிரான புகார்: தேர்தல் ஆணையம் ஆய்வு

வெறுப்பு பேச்சு தொடர்பாக பிரதமர் மோடிக்கு எதிரான புகார் குறித்து ஆய்வு நடத்தி வருகிறோம்’ என இந்திய தேர்தல் ஆணையம் தெரிவித்துள்ளது.

ராஜஸ்தானின் பன்ஸ்வாராவில் நடந்த பிரசார கூட்டத்தில், காங்கிரஸ் தேர்தல் அறிக்கையில், நாட்டில் உள்ள மக்கள் வைத்துள்ள தங்கம் குறித்து கணக்கெடுப்பு நடத்தப்பட்டு, அதிகளவில் உள்ளவர்களிடம் இருந்து பிரித்து, மற்றவர்களுக்கு கொடுக்கப்படும் என்று கூறப்பட்டுள்ளது. நீங்கள் கஷ்டப்பட்டு சம்பாதித்த தங்கத்தை பறித்து, அதிக குழந்தைகள் பெறுபவர்களுக்கு கொடுப்பதுதான், காங்கிரசின் திட்டம். இதில், உங்களுடைய தாலியும் தப்பாது என பிரதமர் மோடி பேசியது சர்ச்சையாகியுள்ளது. பிரதமரின் இந்தப் பேச்சு, தேர்தல் நடத்தை விதிமுறைகளுக்கு எதிரானது என, காங்கிரஸ் உள்ளிட்ட கட்சிகள், தேர்தல் ஆணையத்தில் புகார் அளித்து உள்ளன. இந்நிலையில், வெறுப்பு பேச்சு தொடர்பாக பிரதமர் மோடிக்கு எதிரான புகார் குறித்து ஆய்வு நடத்தி வருகிறோம் என இந்திய தேர்தல் ஆணையம் தெரிவித்துள்ளது.