பீஹாரில் 40 தொகுதிகளிலும் நாங்கள் தான் – நிதீஷ் குமார் நம்பிக்கை

பீஹாரில் உள்ள 40 தொகுதிகளிலும் பா.ஜ. கூட்டணி வெற்றி பெற வேண்டும் என அம்மாநில முதல்வர் நீதிஷ் குமார் விருப்பம் தெரிவித்துள்ளார்.

பீஹார் மாநிலம் தொகுதிகளிலும் போட்டியிடும் ஐக்கிய ஜனதா தளம் கட்சி வேட்பாளர் துலால் சந்திர கோஸ்வாமிக்கு ஆதரவாக, தேர்தல் பிரசாரத்தில் நீதிஷ் குமார் பேசியதாவது: உங்களிடம் ஓட்டு கேட்க வந்துள்ளேன். பீஹாரில் உள்ள 40 தொகுதிகளிலும் பா.ஜ., கூட்டணி வெற்றி பெற வேண்டும். இந்தியாவில் 400 தொகுதிகளில் பா.ஜ. வெற்றி பெறும். மோடி மீண்டும் பிரதமர் ஆவார். பீஹார் மாநிலம் இன்னும் முன்னேறிச் செல்லும். பிரதமர் மோடியை தவிர மற்றவர்கள் இன்று வரை மக்களுக்காக எதையும் செய்யாமல், பணம் சம்பாதிப்பதில் கவனம் செலுத்துகின்றனர் குடும்பம் அரசியலில் மட்டுமே ஆர்வம் காட்டுகின்றனர். இவ்வாறு நிதீஷ் குமார் பேசினார்.