Ontario’s Premier was the Guest Speaker at Scarborough Event, hosted by Scarborough Agincourt’s MPP Aris Babikian with the supporters of the Progressive Party.
Share
ஒன்றாரியோ மாகாண முதலவர் சிறப்புப் பேச்சாளராகக் கலந்து கொண்ட வைபவத்தை நேர்த்தியான முறையில் ஏற்பாடு செய்த Scarborough Agincourt தொகுதியின் MPP Aris Babikian அவர்கள்.
மூன்று தமிழ்மொழி சார்ந்த ஊடக நிறுவனங்களுக்கு விசேட அழைப்பு
ஒன்றாரியோ மாகாண முதலவர் டக் போர்ட் அவர்கள் சிறப்புப் பேச்சாளராகக் கலந்து கொண்ட வைபவத்தை நேர்த்தியான முறையில் ஏற்பாடு செய்த Scarborough Agincourt தொகுதியின் MPP Aris Babikian அவர்கள். மேற்படி முக்கிய வைபவத்திற்கு
மூன்று தமிழ்மொழி சார்ந்த ஊடக நிறுவனங்களுக்கு விசேட அழைப்பை விடுத்திருந்தார். கனடா உதயன் பத்திரிகை நிறுவனம், யுகம் வானொலி ஊடகம் மற்றும் BEHIND ME MEDIA GROUP என்னும் ஐந்து மொழிகளின் தொலைக்காட்சி செய்திச் சேவையை நடத்திவரும் ஊடக நிறுவனம் ஆகியனவே மேற்படி தமிழ் மொழி சார்ந்த ஊடக நிறுவனங்கள் ஆகும்.
04-11-2024 அன்று திங்கட்கிழமை மாலை ஸ்காபுறோ ஆர்மேனியன் சன சமூக நிலைய மண்டபத்தில் நடைபெற்ற வைபவத்தில் Scarborough Agincourt தொகுதியின் MPP Aris Babikian அவர்கள் வரவேற்புரையை நிகழ்த்தி தொடர்ந்து ஒன்றாரியோ மாகாண முதல்வர் டக் போர்ட் அவர்கள் தனது உரையில் ஒன்றாரியோ மாகாண அரசு தற்போது மாகாணத்தில் தொழில் வாய்ப்புக்களை உருவாக்கவும் போக்குவரத்து வசதிகளை ஏற்படுத்தவும் கடுமையாக உழைத்து வருகின்றது என்றும் முக்கியமாக மக்களிற்கு சிறந்த மருத்துவ சேவையை வழங்குவதற்காக தன்னை அர்ப்பணித்து வருவதாகவும் தெரிவித்தார்.
அவர் தனது உரையில் மேலதிக வைத்தியசாலைகள் மற்றும் பல வருடங்களுக்குப் பின்னர் யோர்க் பல்கலைக் கழகம் மற்றும் ஸ்காபுறோ பல்கலைக்கழகம் ஆகியவற்றில் மருத்துவ கற்கை பீடங்களையும் ஆரம்பிக்க நடவடிக்கை எடுத்து அதற்கான கட்டடங்களை தற்போது நிறுவி வருகின்றது என்றும் தெரிவித்தார்.
இங்கே காணப்படும் படங்களில் கனடா உதயன் பத்திரிகையின் பிரதம ஆசிரியர் லோகேந்திரலிங்கம், யுகம் வானொலி ஊடகத்தின் சார்பாக கணபதி ரவீந்திரன் மற்றும் ரூபி யோகதாசன் மற்றும் BEHIND ME MEDIA GROUP என்னும் ஐந்து மொழிகளின் தொலைக்காட்சி செய்திச் சேவையை நடத்திவரும் ஊடக நிறுவனத்தின் அதிபரும் வர்த்தகப் பிரமுகருமான கனேந்திரன் செல்வா ஆகியோர் ஒன்றாரியோ மாகாண முதலவர் மற்றும் Scarborough Agincourt தொகுதியின் MPP Aris Babikian ஆகியோரோடு காணப்படுகின்றனர்.
