கனடா உதயன் நிறுவனம் நடத்தும் ‘சர்வதேச விருது விழா-23’ வெற்றிபெற வாழ்த்தும் கனடியப் பிரதமர்

எதிர்வரும் 18-06-2023 அன்று ஞாயிற்றுக்கிழமை கனடா ஸ்காபுறோ நகரில் நடைபெறவுள்ள ‘கனடா உதயன் சர்வதேச விருது விழா-23 வெற்றிபெற கனடியப் பிரதமர் வாழ்த்துத் தெரிவித்துள்ளார். கனடியப் பிரதமரின் அலுவலகம் அனுப்பி வைத்த வாழ்த்துச் செய்தி இன்று எமது அலுவலகத்திற்கு வந்து சேர்ந்தது.

மேலும் இவ்வருட விருது விழாவில் வழங்கப்பெறும் ‘உதயன் சமூக நல்லுறவு விருது’ என்னும் உயர் கௌரவத்தை பெறுபவர் ஒன்றாரியோ மாகாணத்தின் ஒரு அமைச்சர் என்பது இங்கு குறிப்பிடத்தக்கது. மேற்படி ‘உதயன் சமூக நல்லுறவு விருது’ வருடா வருடம் தமிழர் அல்லாத ஒரு சேவையாளருக்கு அல்லது நிறுவனத்திற்கு வழங்கப்பட்டு வருவது குறிப்பிடத்தக்கது. மேலும் விசேடமாக இந்த வருட விருதுவிழாவில் ‘இளையோருக்கான அடையாளம்’ என்னும் கௌரவம் இரண்டு மாணவர்களுக்கு வழங்கப்பெறுகின்றது. ஒன்றாரியோ மாகாணத்தில் இளம் வயதில் சாதனைகள் படைத்த ஒருவருக்கும் கியுபெக் மாகாணத்தில் சாதனை படைத்த இன்னொரு மாணவருக்கும் இந்த விருதுகள் வழங்கப்படவுள்ளன என்பது குறிப்பிடத்தக்கது.