‘சிலம்பொலி சேஷ்த்திரா’ மாணவியான செல்வி நித்ரா ஜெயராமனின் பரதநாட்டிய அரங்கேற்றம்

கனடாவில் மிக நீண்டகாலமாக இயங்கிவரும் ‘சிலம்பொலி சேஷ்த்திரா’ நடனக் கல்லூரியின் ஸ்தாபகரும் குருவுமாகிய ஶ்ரீமதி ஜனனி குமார் அவர்களினதும் நடனச் செல்வி தாமிரா ஜனனி குமார் ஆகியோரின் மாணவியான அரங்கேற்றச் செல்வி நித்ரா ஜெயராமன் அவர்களின் பரதநாட்டிய அரங்கேற்றம் கடந்த 24-06-2023 சனிக்கிழமையன்று ஸ்காபுறோ சீனக் கலாச்சார மண்டபத்தில் நடைபெற்றது.

அரங்கேற்றத்தின் பிரதம விருந்தினராக தமிழ்நாட்டிலிருந்து ‘கலைமாமணி’ சாகிர் உசைன் அவர்கள் அழைக்கப்பெற்றிருந்தார்.

அரங்கேற்றச் செல்வியின் அரங்கேற்றம் அன்று சிறப்புப் பூசையுடன் ஆரம்பமாகி பின்னர் தொடங்கியது.

தான் ஒவ்வொரு உருப்படியையும் நித்ரா ஜெயராமன் அவர்கள் கற்ற வண்ணம் சபையோருக்கு சமர்ப்பித்து தனது குரு மற்றும் பக்கவாத்தியக் கலைஞர்களுக்கு மகிழ்ச்சியை ஊட்டினார்.
மண்டபம் நிறைந்த அரங்கேற்ற விழாவாக நடைபெற்ற தனது அரங்கேற்றத்தின் தரத்தை உயர்த்துவதற்கு நடனச் செல்வி அற்புதமாக நடனமாடினார் என்று பிரதம விருந்தினர் சாகிர் உசைன் அவர்கள் புகழாரம் சூட்டினார்.