யாழ்ப்பாணம் கியூடெக் நிறுவனத்தின் சர்வதேச சிறுவர் தின நிகழ்வு

யாழ்ப்பாணம் கரித்தாஸ் கியூடெக் நிறுவனத்தின் சுற்றுச்சூழல் செயற்திட்டத்தின் கீழ் சர்வதேச சிறுவர் தின நிகழ்வு இன்றையதினம் சென்.ஜேம்ஸ் மகளிர் பாடசாலை மண்டபத்தில், இயக்குனர் அருட்பணி ச.இயூஜின் பிரான்சிஸ் தலைமையில் நடைபெற்றது.

சிறுவர் தினத்திற்கான “இயற்கையோடு இணைந்த நம வாழ்வு” எனும் தலைப்பிலான ஓவியப் போட்டி மூன்று பிரிவுகளில் நடைபெற்றது. இதனை தொடர்ந்து சமாதான நிகழ்ச்சித்திட்டத்தின் கீழ் சிறுவர் களுக்கான மகிழ்வூட்டும் நிகழ்வுகளும் நடைபெற்றன.

இந் நிகழ்விற்கு பிரதம விருந்தினராக யுனிசெப் நிறுவன இணைப்பாளர் திருமதி.சர்மினி அவர்களும், சிறப்பு விருந்தினராக வலயக்கல்வி பணிப்பாளர் திரு.P.ரவீந்திரன், அவர்களும் புனித யாகப்பர் ஆலய உதவிப் பங்குத்தந்தை, புனித யாகப்பர் ஆலய மகளிர் பாடசாலை அதிபர் ஆகியோர் கலந்து கொண்டனர்.

இந்நிகழ்வில் சிறுவர்களினால் கலை நிகழ்வுகளும், விருந்தினர்களால்சிறுவர்களை ஊக்கப்படுத்தும் கருத்துக்களும், ஓவியப்போட்டிக்கான சான்றிதழ் மற்றும் பரிசில் வழங்கலும் நடைபெற்றது.