நான்குமுனை போட்டியாக இருக்கும் விக்கரவாண்டி இடைத்தேர்தலில் பா.ஜ.க.சார்பில் அண்ணாமலை போட்டியிடுவாரென கூறப்படுகிறது.

கடந்த 2021 ஆம் ஆண்டு நடைபெற்ற சட்டமன்ற தேர்தலில் விழுப்புரம் மாவட்டம் விக்கிரவாண்டி தொகுதியின் எம்எல்ஏவாக திமுகவை சேர்ந்த புகழேந்தி

தேர்ந்தெடுக்கப்பட்டு, கடந்த ஏப்ரல் 06 ஆம் தேதி திடீர் உடல்நலக் குறைவால் காலமானார். இதைத்தொடர்ந்து தேர்தல் ஆணையம் விக்கிரவாண்டி தொகுதியை காலித் தொகுதி என்று அறிவித்தது. இந்நிலையில் வருகின்ற ஜூலை 10 அன்று இந்த விக்கிரவாண்டி தொகுதிக்கு இடைத்தேர்தல் நடைபெற இருக்கிறது. இத்தேர்தலிலும் நாடாளுமன்ற தேர்தலை போல் இடைத்தேர்தலிலும் நான்கு முனை போட்டி நிலவும் சூழல் ஏற்பட்டிருக்கிறது.

கடந்த 2019 ஆம் ஆண்டு அதிமுக ஆட்சியில் விக்கிரவாண்டி தொகுதியில் இடைத்தேர்தல் நடைபெற்றது.இதில் அதிமுக சார்பில் போட்டியிட்ட முத்தமிழ்செல்வம் 1,13,766 வாக்குகள் பெற்று வெற்றி பெற்றார்.அடுத்து கடந்த 2021 ஆம் ஆண்டு ஆண்டு நடைபெற்ற சட்டமன்ற தேர்தலில் திமுகவின் புகழேந்தி அவர்கள் போட்டியிட்டு வெற்றி பெற்றார். தற்பொழுது விக்கிரவாண்டி தொகுதிக்கு இடைத்தேர்தல் நடைபெற இருக்கும் நிலையில் பாஜக சார்பில் அக்கட்சியின் மாநிலத் தலைவர் அண்ணாமலை போட்டியிடுகிறார் என்ற தகவல் சமூக வலைத்தளங்களில் வேகமாக பரவி வருகிறது. உண்மையில் பாஜக கூட்டணியில் இடம் பெற்றிருக்கும் பாமக தான் விக்கிரவாண்டி தொகுதியில் களம் காணப் போகிறது என்ற தகவலும் வெளியாகி இருக்கிறது.