அம்பானி, அதானியின் தீமானங்களைத்தான் விசித்திர பரமாத்மாவான மோடி செயல்படுத்துகிறாரென ராகுல்காந்தி கூறியுள்ளார

மக்களவைத் தேர்தலில் ரேபரேலி மற்றும் வயநாடு ஆகிய இடங்களில் போட்டியிட்டு வெற்றி பெற்ற ராகுல் காந்தி தொகுதி மக்களுக்கு நன்றி தெரிக்க கேரளாவிலுள்ள வயநாட்டுக்குச் சென்று தொகுதி மக்களுக்கு நன்றி தெரிவித்துவிட்டு தொடர்ந்து பேசும் போது, ”

மோடியிடம் பரமாத்மா பேசுவது போல என்னிடம் பேசுவதில்லை. நான் அவரைப் போல கடவுள் அல்ல என்பதுதான் அதற்கு காரணம். நான் சாதாரண மனிதன். மக்கள்தான் என்னுடைய தெய்வம். பிரதமருக்கு என்ன செய்ய வேண்டும் என தெய்வம்தான் சொல்லி தருகிறது. ஆனால் எனக்கு அப்படியல்ல. நான் இயற்கையாக பிறந்தவன் கிடையாது என்று பிரதமர் கூறுகிறார். தான் ஒரு தீர்மானமும் எடுப்பதில்லை என்றும், தன்னை இந்த பூமிக்கு அனுப்பிய பரமாத்மாவே முடிவுகளை எல்லாம் எடுப்பதாகவும் மோடி கூறினார். ஆனால் அதானி, அம்பானியின் தீர்மானங்களைதான் இந்த விசித்திரமான பரமாத்மா எடுக்கிறார். பரமாத்மா கூறியபடி முதலில் விமான நிலையங்களும், பின்னர் மின் நிலையங்களும் அதானிக்கு தாரை வார்க்கப்பட்டன. இந்தத் தேர்தலில் அரசியலமைப்புக்கான பெரும் போராட்டம் தான் நடைபெற்றது. இந்திய அரசியலமைப்பு தான் நம் நாட்டின் சரித்திரத்தையும், பாரம்பரியத்தையும் பாதுகாக்கிறது. கேரள மக்களுக்கு பாரம்பரியமான கதகளியை ரசிக்க முடியும். மலையாளத்தில் பேச முடியும். தங்களுக்கு விருப்பமுள்ளதை செய்யலாம். இந்த உரிமைகளை நம் நாட்டின் அரசியலமைப்பு தான் பாதுகாக்கிறது” என்று இவ்வாறு தெரிவித்தார்.