துணை அதிபர் வேட்பாளர் டிம் வால்ஸ் – கமலா ஹாரிஸ் அறிவிப்பு

அமெரிக்காவில் வருகிற நவம்பர் மாதம் 5-ந் தேதி அதிபர் தேர்தல் நடக்கிறது. அதில் குடியரசு கட்சி சார்பில் டிரம்ப் போட்டியிடுவது உறுதியாகிவிட்டது. ஜனநாயக கட்சி சார்பில் முதலில் பைடன் போட்டியிடுவதாக இருந்தது. இருப்பினும், அவரது உடல்நிலை காரணமாக அவர் போட்டியிடக்கூடாது என்று பலரும் அழுத்தம் கொடுத்தனர். இதன் காரணமாக அவர் கடந்த மாதம் அதிபர் ரேசில் இருந்து விலகினார். அவர் தற்போது துணை அதிபராக இருக்கும் கமலா ஹாரிஸை அதிபர் வேட்பாளராக முன்மொழிந்தார். இதற்கிடையே ஜனநாயக கட்சியின் அதிகாரப்பூர்வ வேட்பாளராக அறிவிக்கப்படத் தேவையான அளவு வாக்குகளை அமெரிக்கத் துணை அதிபரை கமலா ஹாரிஸ் உறுதி செய்துள்ளார். இந்த நிலையில் ஜனநாயக கட்சியின் துணை அதிபர் வேட்பாளரை கமலா ஹாரிஸ் அறிவித்துள்ளார். அதன்படி, ஜனநாயக கட்சியின் துணை அதிபர் வேட்பாளராக டிம் வால்ஸ்டை கமலா ஹாரிஸ் அறிவித்துள்ளார். அமெரிக்காவின் மின்னெசோட்டா மாகாண கவர்னராக டிம் வால்ஸ் இருந்து வருகிறார். துணை அதிபர் வேட்பாளரான 60 வயதான டிம் வால்ஸ், மின்னெசோட்டா மாகாண எம்.பி.யாகவும் இருந்தவர் என்பது குறிப்பிடத்தக்கது.