Canada-Sri Lanka Business Convention, hosted by Canada-Sri Lanka Business Council in Scarborough on 15th of October, at Netwyn Place.

கனடா-இலங்கை வர்த்தக சபை நடத்திய Canada-Sri Lanka Business Convention என்னும் தலைப்பிலான கருத்தரங்கு

கனடா-இலங்கை வர்த்தக சபை நடத்திய Canada-Sri Lanka Business Convention என்னும் தலைப்பிலான கருத்தரங்கும் கலந்துரையாடலும் கடந்த 15-10-2024 அன்று ஸ்காபுறோவில் அமைந்துள்ள Netwyn Place. கூட்ட மண்டபத்தில் சிறப்பாக நடைபெற்றது.

கனடா-இலங்கை வர்த்தக சபையின் தலைவரும் கனடிய தமிழர் வர்த்தக சம்மேளனத்தின் முன்னாள் தலைவருமான குலா செல்லத்துரை அவர்கள் கருத்தரங்கை தொடக்கி வைத்து உரையாற்றினார்

அவர் தனது உரையில் கனடாவில் வர்த்தகத்துறையில் வளர்ச்சியடைந்துள்ள பல அன்பர்கள் இலங்கையில் முதலீடுகளை செய்ய விரும்புகின்ற வகையில் அவர்கள் தங்கள் தாய்நாட்டிற்கும் தங்கள் பொருளாதார ஆதரவை தருவதற்கு விரும்புகின்றார்கள். எனவே எமது கனடா-இலங்கை வர்த்தக சபையானது அதற்குரிய இணைப்புப் பாலமாக விளங்குவதற்கு தீர்மானித்தது.

அதன் ஒரு அங்கமாகவே இன்றைய இலங்கை- கனடா வர்த்தக முயற்சிகளுக்கான கலந்துரையாடல் இடம்பெறுகின்றது.எனவே நாம் அதனை வரவேற்று எமது எதிர்காலத்தை சுபீட்சம் நிறைந்ததாக அமைப்போம்’ என்றார்.

தொடர்ந்து இலங்கை வர்த்தக சம்மேளனத்தின் சார்பில் கொழும்பிலிருந்து வருகை தந்திருந்த இரண்டு பிரதிநிதிகள் அங்கு உரையாற்றினார்கள். அவர்களது உரைகள் பயனுள்ளதாக இருந்தன.

கனடா வாழ் வர்த்தக அன்பர்களும் தங்கள் கேள்விகளையும் கருத்துக்களையும் பகிர்ந்து கொண்டதன் மூலம் அன்றைய நிகழ்வை பயனுள்ளதாக்கினார்கள்.

இங்கு காணப்படுகின்ற படங்கள் அங்கு எடுக்கப்பட்டவையாகும். படங்களில் கனடா-இலங்கை வர்த்தக சபையின் முக்கிய உறுப்பினர்களும் காணப்படுகின்றார்கள்.