கருப்பு திரைப்படத்தின் புதிய பதாகை வெளியிட்ட படக்குழு

ஆர்.ஜே. பாலாஜி இயக்கத்தில் சூர்யா நடிப்பில் உருவாகியுள்ள திரைப்படம் கருப்பு. டிரீம் வாரியர் பிக்சர்ஸ் தயாரிப்பில் உருவாகியுள்ள கருப்பு திரைப்படத்தின் கதாநாயகியாக திரிஷா நடித்துள்ளார். சாய் அபயங்கர் இசையமைத்துள்ள இப்படத்தில் சுவாசிகா, இந்திரன்ஸ், யோகி பாபு, ஷிவாதா, சுப்ரீத் ரெட்டி, அனகா மயா ரவி, நட்டி நட்ராஜ் உள்பட பலர் முக்கிய காதாபாத்திரங்களில் நடித்துள்ளனர். கருப்பு திரைப்படம் வரும் 14ம் தேதி வெளியீடு ஆக உள்ளது. அதேவேளை, கருப்பு திரைப்படத்தின் இசை வெளியீட்டு விழா மதுரையில் உள்ள தனியார் கல்லூரியில் நாளை நடைபெற உள்ளது. இந்நிலையில், இசை வெளியீட்டு விழா நாளை நடைபெற உள்ள நிலையில் கருப்பு திரைப்படத்தின் புதிய பதாகையை படக்குழு வெளியிட்டுள்ளது.