அண்மையில் கனடாவில் மறைந்த ‘அருட்கவி’ ஞானகணேசன் அவர்களிற்கான அஞ்சலிக் கூட்டத்தை ஏற்பாடு செய்த கனடா தமிழ்க் கவிஞர்கள் கழகம்

அண்மையில் கனடாவில் காலமான முன்னாள் கனடா கவிஞர்கள் கழகத்தின் தலைவரும் கனடா எழுத்தாளர் இணையத்தின் முன்னாள் பொருளாளருமான’அருட்கவி’ ஞானகணேசன் அவர்களிற்கான அஞ்சலிக் கூட்டத்தை 28-01-2024 கனடா தமிழ்க் கவிஞர்கள் கழகம் ஸ்காபுறோ நகரசபை மண்டபத்தில் ஏற்பாடு செய்திருந்தது.

கனடா கவிஞர் கழகத்தின் தற்போதைய தலைவர் குமரகுரு கணபதிப்பிள்ளை அவர்கள் தலைமையில் நடைபெற்ற இந்த விழாவில் கனடா கவிஞர்கள் கழகத்தின் அங்கத்தவர்கள் பலரும் கனடா எழுத்தாளர் இணையத்தின் அங்கத்தவர்கள் பலரும் தத்தம் குடும்பத்தோடு கலந்து கொண்டு மறைந்த ‘அருட்கவி’ அவர்களுக்கு தமது அஞ்சலியைச் செலுத்தினர்.

அங்கு உரையாற்றிய பலரும் மறைந்த கவிஞரும் எழுத்தாளருமான ‘அருட்கவி’ ஞானகணேசன் அவர்களின் கவிதைகளில் கலந்து வரும் இசை மற்றும் சமூகத்தின் மீதான அக்கறை, உருக்கத்துடனான ஆன்மீகப் பார்வை ஆகியவை தொடர்பாகவும் நண்பர்களை மதிக்கும் பெருந்தன்மை மற்றும் உபசரிப்பில் உயர்ந்து நின்ற பெருமிதம் ஆகியவற்றைப் பற்றி எடுத்துரைத்தார்கள்.

கனடா எழுத்தாளர் இணையத்தின் சார்பில் முன்னாள் தலைவர்களான ஆர். என். லோகேந்திரலிங்கம் மற்றும் குரு அரவிந்தன் ஆகியோர் அஞ்சலி உரையாற்றினர்.