தமிழகத்தின் முதல்வர் ஸ்டாலினின் வாழ்க்கை சினிமாவாகிறது

தமிழக முதல்வர் மு.க.ஸ்டாலின் வாழ்க்கையை விரைவில் சினிமாவாக எடுப்பதற்ற்ள் நடந்து வருவதாகவும், அதில் யார் நடிக்க போகிறார் என்ற விபரத்தையும் முக்கிய பிரபலம் வெளியிட்டுள்ளார். தமிழ் சினிமாவில் பயோபிக் வருகை அதிகரித்து வருகிறது. முன்னாள் முதல்வர் ஜெயலலிதாவின் வாழ்க்கை தலைவி என்ற பெயரில் சமீபத்தில் படமாக்கப்பட்டது. ஜெயலலிதாவின் வாழ்க்கையை பலரும் ஒரே சமயத்தில் சினிமாவாக எடுத்தனர். எம்ஜிஆர், பெரியார், காமராஜர், பாரதியார் என பலரின் வாழ்க்கையும் சினிமாவாக எடுக்கப்பட்டு விட்டது.

அந்த வரிசையில் தற்போதைய தமிழக முதல்வர் மு.க.ஸ்டாலினின் வாழ்க்கையை சினிமாவாக எடுக்க போகிறார்களாம். இந்த தகவலை வெளியிட்டிருப்பதும், இதை படமாக எடுக்க போவதும் வேறு யாரும் இல்லை நடிகரும், தயாரிப்பாளரும், எம்எல்ஏ.,வுமான உதயநிதி ஸ்டாலின் தான். ஸ்டாலின் பயோபிக் எடுக்கும் வேலைகள் விரைவில் துவங்கப்பட உள்ளதாக கூறப்படுகிறது

நடிகர் சிவகார்த்திகேயன் நடித்த டான் படம் நேற்று ரிலீசானது. அறிமுக இயக்குனர் சிபி சக்கரவர்த்தி இயக்கி உள்ள இந்த படம் கலவையான விமர்சனங்களை பெற்றுள்ளது. லைகா ப்ரொடக்ஷன்ஸ் மற்றும் சிவகார்த்திகேயனின் எஸ்கே ப்ரொடக்ஷன்ஸ் தயாரித்துள்ள இந்த படத்தை உதயநிதியின் ரெட் ஜெயண்ட் மூவிஸ் தான் தமிழகத்தில் வெளியிட்டுள்ளது. டான் படத்தை பார்த்து விட்டு, உதயநிதி தனது கருத்தை தெரிவித்துள்ளார். அப்போது அவர் கூறுகையில், என் அப்பாவின் கதாபாத்திரமும், டான் படத்தில் சமுத்திரக்கனியின் கதாபாத்திரமும் ஒன்று தான். ஆனால் என்ன ஒரு வித்தியாசம் என்றால் என் அப்பா மிகப் பெரிய சினிமா விரும்பி. எல்லா படங்களையும் உடனடியாக பார்த்து விடுவார். ஆனால் நான் படம் எடுப்பதை அவர் விரும்பவில்லை. எதற்கு இயக்குனர் ஆக வேண்டாம் என தடுத்தார் அவர். உண்மையை சொல்ல வேண்டுமென்றால் ஆரம்பத்தில் எனது இன்ஜினியரிங் படிப்பை பாதியிலேயே நிறுத்தி விட்டு, இந்திய சினிமா பயிற்சி பள்ளியில் சேர விரும்பினேன் என்றார்.

விரைவில் ஸ்டாலின் வாழ்க்கையை சினிமாவாக எடுக்க உதயநிதி திட்டமிட்டிருப்பதாக கூறப்படுகிறது. அதற்கான வேலைகள் மிக விரைவில் துவங்கும் என்றும் கூறப்படுகிறது. இந்த படத்தில் சமுத்திரக்கனி நடிக்க உள்ளதாக கூறப்படுகிறது. சமுத்திரக்கனி தற்போது அஜித்தின் ஏகே 61 படத்தில் இணைந்துள்ளதாக தகவல் வெளியாகி உள்ளது. இதனை சமுத்திரக்கனியும் உறுதி செய்துள்ளார்.

டான், ஏகே 61 என அடுத்தடுத்து பெரிய படங்களில் சமுத்திரக்கனி ஒப்பந்தமாகியிருக்கும்

நிலையில் ஸ்டாலின் பயோபிக்கிலும் சமுத்திரக்கனி நடிக்க உள்ளதாக கூறப்படுவது பெரிய எதிர்பார்ப்பை ஏற்படுத்தி உள்ளது. இதில் யாருடைய கதாபாத்திரத்தில் யார் நடிக்க போகிறார் என்பதை தெரிந்து கொள்ள ரசிகர்களும், திமுக தொண்டர்களும் ஆர்வம் காட்ட துவங்கி விட்டனர். அரசியல் வட்டாரத்திலும் இந்த படத்தின் மீதான எதிர்பார்ப்பு அதிகரித்துள்ளது.