பண்டாரகம கெஸ்பேவ வீதியில் மோட்டார் வாகனம் உயர் மின் கம்பத்துடன் மோதி விபத்து – நால்வர் படுகாயம்.
Share
(02-10-2022)
தென்னிலங்கையில் பண்டாரகம கெஸ்பேவ வீதியில் அலோதியாவ பிரதேசத்தில் மோட்டார் வாகனம் ஒன்று வீதியை விட்டு விலகி உயர் மின்கம்பத்துடன் மோதியதில் விபத்துக்குள்ளாகியுள்ளது.
இந்த விபத்தில் சாரதி உட்பட நால்வர் படு காயமடைந்ததுடன் அவர்கள் அனைவரும் 1990 சுவசெரிய நோயாளர் காவு வண்டி மூலம் பண்டாரகம மாவட்ட வைத்தியசாலையில் அனுமதிக்கப்பட்டுள்ளனர்.
தான நிகழ்வொன்றில் கலந்து கொண்ட சிலரை அழைத்துக் கொண்டு பண்டாரகம வில் இருந்து கெஸ்பேவ நோக்கி சென்று கொண்டிருந்த போது இந்த விபத்து இடம்பெற்றுள்ளது.
மோட்டார் வாகனம் மோதியதில் உயர் மின் கம்பம் பல பகுதிகளாக உடைந்துள்ளதாக தெரிவிக்கப்படுகிறது.
இந்த விபத்தில் மோட்டார் வாகனம் முன்பகுதி பலத்த சேதமடைந்தது.
ஓட்டுநர் தூங்கியதே விபத்துக்கு காரணம் என பொலிஸார் தெரிவித்தனர்.
விபத்தின் காரணமாக பல பாகங்களாக உடைந்த மின்கம்பத்தை அகற்றி அதனை சீரமைக்கும் பராமரிப்பு பணிகள் காரணமாக பண்டாரகம வெல்மில்ல பிரதேசத்தில் பல மணித்தியாலங்கள் மின்சாரம் தடை பட்டுள்ளது.
விபத்து தொடர்பில் பண்டாரகம பொலிஸார் விசாரணைகளை மேற்கொண்டு வருகின்றனர்.













