T National Ethnic Press and Media Council of Canada hosted its Annual Christmas Celebrations and Awards Gala in Toronto

கனடா பல்லின பத்திரிகையாளர்கள் கழகத்தின் கிறிஸ்துமஸ் கொண்டாட்டம் மற்றும் விருதுகள் வழங்கும் வைபவம்

கடந்த 16-12-2022 அன்று வெள்ளிக்கிழமை மாலை கனடாவில் இயங்கிவரும் பல்லின பத்திரிகையாளர்கள் கழகம் நடத்திய வருடாந்த கிறிஸ்துமஸ் கொண்டாட்டம் மற்றும் விருதுகள் வழங்கும் வைபவம் ஆகியவை அடங்கிய அடக்கமான வைபவத்தில் தமிழ்ச் சமூகத்திற்கு சேவையாற்றியவர்கள் என்ற வகையில் யுகம் வானொலி நிறுவனத்தின் அதிபர் ‘கலைவேந்தன் கணபதி ரவீந்திரன்’ அவர்களுக்கும் வர்த்தகப் பிரமுகரும் கணக்காளரும் சமூக சேவையாளருமான சாந்தகுமார் தம்பியப்பா அவர்களுக்கும் சமூக சேவைக்கான சிறப்பு விருதுகள் வழங்கப்பெற்றன.

அத்துடன் படைப்பிலக்கியத்துறையில் 50 வருடங்களைக் கடந்தும் பத்திரிகைத் துறையில் முப்பது வருடங்களைக் கடந்தும் பணியாற்றுவதோடு கனடிய பல்லின பத்திரிகையாளர்கள் கழகத்தின் சிரேஸ்ட உப தலைவர்களில் ஒருவராகவும் தொடர்ச்சியாகப் பணியாற்றி வருபவர் என்ற வகையில் ‘உதயன்’ ஆர். என். லோகேந்திரலிங்கம் அவர்களுக்கு சிறப்பு வி;ருதும் வழங்கப்பெற்றன.

இங்கே காணப்படும் படங்களில் விருதுகளைப் பெற்று மகிழ்ந்த 3 வெற்றியாளர்களும் நண்பர்கள் மற்றும் சக ஊடகவியலாளர்கள் மற்றும் கனடிய பல்லின பத்திரிகையாளர்கள் கழகத்தின் தலைவர் திரு தோமஸ் சாரஸ் மற்றும் ‘உலகத் தமிழர் பத்திரிகையின் ஆசிரியர் திரு கமல்வாசன் ஆகியோர் சூழ்ந்திருக்க எடுக்கப்பெறற படங்கள் இங்கு காணப்படுகின்றன. இந்த விழாவில் யுகம் வானொலி நிறுவனத்தைச் சேர்ந்த பல ஒலிபரப்பாளர்கள் மற்றும் நேயர்கள் மற்றும் உதயன் பத்திரிகை குழுமத்தைச் சேர்ந்தவர்கள் என தமிழ் பேசும் அன்பர்கள் பலர் கலந்து கொண்டனர்.