தென்னாப்பிரிக்க தமிழ் வம்சாவளிக் குடும்பத்தின் வாரிசு நவநீதம் பிள்ளை அம்மையார் 2026 நோபல் பரிசு பெற்றமை உலகத் தமிழர்களுக்கு உவகை தரும் பெருமையாகும்!

இவ்வாண்டின் அமைதிக்கான நோபல் பரிசு பெறும் அன்னாருக்கு வாழ்த்துக்களைத் தெரிவித்துள்ள கனடாவைத் தலைமையகமாகக் கொண்ட அனைத்துலகத் தமிழர் பேரவை

“தென்னாபிரிக்காவின் தமிழ் வம்சாவளிக் குடும்பம் ஒன்றின் வாரிசான நவநீதம் பிள்ளை அம்மையாருக்கு 2026ம் ஆண்டிற்கான நோபல் பரிசு வழங்கப்பெற்றுள்ளமை உலகெங்கும் வாழும் தமிழ் மக்களுக்கு உவகையையும் பெருமையையும் அள்ளிக்குவிக்கும் ஒரு கௌரவமாகும். இந்த அற்புதமான தருணத்தில் கனடாவைத் தலைமையகமாகக் கொண்ட அனைத்துலகத் தமிழர் பேரவை தனது வாழ்த்துக்களையும் வணக்கத்தையும் அவருக்குத் தெரிவிக்கின்றது. இந்த வெற்றியைக் கொண்டாடும் உலகத் தமிழர்களோடு எமது அமைபபும் இணைந்து கொள்கின்றது”

மேற்கண்டவாறு, இவ்வாண்டின் அமைதிக்கான நோபல் பரிசு பெறும் நவநீதம் பிள்ளை அவர்களுக்கு வாழ்த்துக்களைத் தெரிவித்துள்ள கனடாவைத் தலைமையகமாகக் கொண்ட அனைத்துலகத் தமிழர் பேரவையின் தலைவர் நிமால் விநாயகமூர்த்தி அவர்கள் வெளியிட்டுள்ள அறிக்கையில் தெரிவித்துள்ளார்.

திரு நிமால் விநாயகமூர்த்தி தனது அறிக்கையில் மேலும் குறிப்பிட்டுள்ளதாவது:

2026 ஆம் ஆண்டின் அமைதிக்கான நோபல் பரிசுக்குத் தெரிவுசெய்யப்பட்டுள்ள திருமதி நவநீதம் “நவி” பிள்ளைக்கு அனைத்துலகத் தமிழர் பேரவை (FGT) தனது மனமார்ந்த வாழ்த்துகளைத் தெரிவித்துக்கொள்கிறது. மனித உரிமைகள், நீதி மற்றும் சட்டத்தின் ஆட்சியை நிலைநிறுத்துவதற்காக அவர் ஆற்றிவரும் வாழ்நாள் பணிக்கு இவ்வுயரிய விருது சிறப்பான அங்கீகாரமாக அமைந்துள்ளது.

தென்னாப்பிரிக்காவில் தமிழ் வம்சாவளிக் குடும்பத்தில் பிறந்த நவநீதம் பிள்ளை அவர்கள், நிறவெறி ஆட்சியின் அநீதிகளை எதிர்கொண்டு, சர்வதேச அளவில் தலைமைத்துவ நிலைக்கு உயர்ந்தமை உலகத் தமிழர்கள் அனைவருக்கும் பெருமையையும் ஊக்கத்தையும் அளிக்கிறது. அவரது சாதனைகள், அவரது தமிழ் வேர்களின் வலிமையையும், புலம்பெயர்ந்தோரின் வழித்தோன்றல்கள் தாம் வாழும் நாடுகளுக்கும் மனிதகுலத்திற்கும் ஆற்றக்கூடிய மகத்தான பங்களிப்பையும் எடுத்துக்காட்டுகின்றன.

இவர் 2008 முதல் 2014 வரை ஐக்கிய நாடுகள் சபையின் மனித உரிமைகளுக்கான உயர் ஆணையராகப் பணியாற்றினார்.

அத்துடன் 1999 முதல் 2003 வரை ICTR-இல் பணியாற்றிய பிள்ளை, அதன் தலைமை நீதிபதியாகவும் தேர்ந்தெடுக்கப்பட்டார். 2003-இல், சர்வதேச குற்றவியல் நீதிமன்றத்தின் சட்டவாதியாகவும் நியமிக்கப்பட்டார்.
கல்வி, சம வாய்ப்புகள், சமூகப் பங்கேற்பு மற்றும் தலைமைத்துவத்தின் ஊடாகப் புலம்பெயர்ந்த மக்களையும் சமூகங்களையும் வலுப்படுத்த வேண்டியதன் முக்கியத்துவத்தை இந்த அங்கீகாரம் மேலும் வலியுறுத்துகிறது. இளைஞர்கள், பெண்கள் மற்றும் நலிவுற்ற சமூகங்கள் தடைகளைக் கடந்து, தமது முழுத் திறனையும் வெளிப்படுத்துவதற்கு உறுதுணையாகச் செயல்பட அவரது வாழ்க்கைப் பயணம் எம்மை ஊக்குவிக்கிறது.

நவநீதம் பிள்ளை அவர்களின் இச்சாதனையை மிகுந்த மரியாதையுடனும் நன்றியுணர்வுடனும் கொண்டாடுகிறோம். மனித கண்ணியத்தைப் பாதுகாக்கவும், பாகுபாடுகளுக்கு எதிராகக் குரல்கொடுக்கவும், நீதியும் அமைதியும் நிறைந்த உலகைக் கட்டியெழுப்பவும் அவரது துணிவும் அர்ப்பணிப்பும் எதிர்காலத் தலைமுறைகளுக்கு வழிகாட்டட்டும்.

வாழ்க் தமிழ்! வெல்க தமிழினம்!

இங்ஙனம்
நிமல் விநாயகமூர்த்தி
தலைவர்

அனைத்துலகத் தமிழர் பேரவை
தலைமையகம்- கனடா