மோகன்லாலின் எம்புரான் படத்தின் முன்னோட்த்திற்கு ரஜினிகாந்த் வாழ்த்து

தென்னிந்திய சினிமாவில் முன்னணி நடிகராக இருப்பவர் மோகன்லால். இவர் நடிப்பில், மலையாள நடிகர் பிருத்விராஜ் இயக்கத்தில் கடந்த 2019-ம் ஆண்டு வெளியான திரைப்படம் ‘லூசிபர்’. இந்த படத்தின் மூலம் பிருத்விராஜ் இயக்குனராக அறிமுகமானார். தற்போது, இந்த படத்தின் 2-ம் பாகம் தயாராகி இருக்கிறது. இந்த படத்திற்கு ‘எல் 2 எம்புரான்’ என பெயரிடப்பட்டுள்ளது. இதில், மோகன்லால், பிருத்விராஜ், மஞ்சுவாரியர், டோவினோ தாமஸ் உள்ளிட்ட பலர் நடித்திருக்கின்றனர். லைகா நிறுவனம் தயாரித்துள்ள இந்த படத்தில் டோவினோ தாமஸ் ‘ஜதின் ராமதாஸ்’ என்ற கதாபாத்திரத்திலும், பிருத்விராஜ் ‘சையத் மசூத்’ என்ற கதாபாத்திரத்திலும், மோகன்லால் ‘குரேஷி ஆபிராம் ஏ.கே. ஸ்டீபன் நெடும்பள்ளி’ என்ற கதாபாத்திரத்திலும் நடித்துள்ளனர். இப்படத்திற்கு யு/ஏ சான்றிதழ் வழங்கப்பட்டுள்ளது. பிரமாண்டமாக உருவாகியுள்ள இப்படத்தின் மீதான எதிர்பார்ப்பு அதிகமாகி உள்ளது. ‘லூசிபர்’ படத்தின் 2வது பாகமான ‘எல் 2 எம்புரான்’ படத்தின் டிரெய்லர் தற்போது வெளியாகி உள்ளது. மலையாளம், தமிழ், தெலுங்கு, ஹிந்தி, கன்னடம் ஆகிய மொழிகளில் வரும் 27ம் தேதி வெளியாகவுள்ளது. இந்நிலையில், படத்தின் முன்னோட்டத்தை பார்த்துவிட்டு ரஜினி தனது எக்ஸ் தளத்தில் “மோகன்லால், பிரித்வி ராஜின் அசத்தலான படைப்பாக உருவாகியுள்ள ‘எம்புரான்’ படத்தின் முன்னோட்டத்தை பார்த்தேன். அற்புதமான வேலைப்பாடு. படக்குழுவினருக்கு எனது வாழ்த்துகள். இறைவனை பிரார்த்திக்கிறேன்” என்று பதிவிட்டுள்ளார்.