உகாண்டாவில் தன்பாலின உறவுகளுக்கு கடுமையான தண்டனை

உகாண்டா அதிபர் யோவேரி முசெவேனி தன்பாலின திருமணத்திற்கு எதிராக புதிய சட்டத்தை இயற்றியுள்ளார்.

இந்த புதிய சட்டத்தின் மூலம் தன்பாலின சேர்க்கை, திருமணம் போன்றவற்றுக்கு வாழ்நாள் சிறை மற்றும் மரண தண்டனை போன்ற கடுமையான தண்டனைகள் வழங்கப்படும். கடுமையான புதிய தன்பாலின எதிர்ப்பு சட்டம் கிழக்கு ஆப்பிரிக்க நாட்டில் பலரால் பாராட்டப்பட்டது.

ஆனால் இதற்கு மனித உரிமை ஆர்வலர்கள் மற்றும் அமெரிக்க உட்பட மேற்கத்திய நாடுகள் எதிர்ப்பு தெரிவித்துள்ளனர். இந்த சட்டப்படி, LGBTQ சமூகத்தைச் சார்ந்தவர் என்று கண்டறிவது தவறு இல்லை. ஆனால் அதனைத்தொடர்ந்து, தன்பாலின திருமணத்தில் ஈடுபடுவது சட்டப்படி குற்றமாக்கப்பட்டுள்ளது.

எச்.ஐ.வி.யால் பாதிக்கப்பட்டவர்களுடனும், சிறார்களுடனும், சமூகத்தின் பிற பாதிக்கப்படக்கூடிய பிரிவைச் சேர்ந்தவர்களுடனும் உடலுறவு கொள்வதும் இதில் அடங்கும். சட்டத்தின்படி, ‘தன்பாலின சேர்க்கையில் ஈடுபட முயற்சிக்கும்’ நபருக்கு 14 ஆண்டுகள் வரை சிறைத்தண்டனை விதிக்கப்படலாம்.

உகாண்டாவில் காலனித்துவ கால சட்டத்தின் கீழ் தன்பாலின ஈர்ப்பு ஏற்கனவே சட்டவிரோதமானது. அந்த வழக்கின் குற்றத்திற்கு ஆயுள் தண்டனை விதிக்கப்பட்டுள்ளது. இருப்பினும், இந்த சட்டத்தின் பொருளாதார விளைவுகள் குறித்து அமெரிக்கா எச்சரித்துள்ளது. இந்த சட்டத்திற்குச் சர்வதேச அமைப்புகள் எதிர்ப்பு தெரிவித்துள்ளன. குறிப்பிடத்தக்க வகையில், ஆப்பிரிக்காவில் உள்ள 54 நாடுகளில், 30க்கும் மேற்பட்ட நாடுகளில் தன்பாலின உறவு குற்றமாகும்.