செந்தில் பாலாஜியின் நீதிமன்றக் காவல் அக்.13 வரை நீடிப்பு

அமைச்சர் செந்தில் பாலாஜியின் நீதிமன்ற காவல் அக்டோபர் 13-ந்தேதி வரை நீடிக்கப்பட்டுள்ளது.

சட்ட விரோத பணிப்பரிமாற்ற வழக்கில் கடந்த ஜூன் மாதம் 14-ம் தேதி அமைச்சர் செந்தில் பாலாஜி அமலாக்கத்துறை அதிகாரிகாரிகளால் கைது செய்யப்பட்டார். அவரது ஜாமீன் மனுக்கள் தள்ளுபடி செய்யப்பட்ட நிலையில் தற்போது அமைச்சர் செந்தில் பாலாஜி புழல் சிறையில் அடைக்கப்பட்டுள்ளார்.

இந்த நிலையில் அமைச்சர் செய்தில் பாலாஜியின் நீதிமன்ற காவல் முடிவடைந்ததைத்தொடர்ந்து அவர் சென்னை மாவட்ட முதன்மை அமர்வு நீதிமன்ற நீதிமன்ற அல்லி முன்பு புழல் சிறையில் இருந்து காணொலி காட்சி மூலம் ஆஜர்படுத்தப்பட்டார். இதையடுத்து அமைச்சர் செந்தில் பாலாஜியின் நீதிமன்ற காவலை மேலும் 14 நாட்கள்(அக்டோபர் 13ந்தேதி வரை) நீடித்து நீதிபதி அல்லி உத்தரவிட்டார். இதன் மூலம் செந்தில் பாலாஜியின் நீதிமன்ற காவல் 7-வது முறையாக நீடிக்கப்பட்டுள்ளது குறிப்பிடத்தக்கது.