‘குபேரா’ படத்தின் பதிவேற்றம் வெளியிட்ட ராஷ்மிகா மந்தனா

ராயன்’ படத்தை தொடர்ந்து தனுஷ் தற்போது சேகர் கம்முலா இயக்கத்தில் ‘குபேரா’ படத்தில் நடித்து வருகிறார். ‘குபேரா’ படம் தனுஷின் 51-வது படமாக உருவாகிறது. ஸ்ரீவெங்கடேஸ்வரா சினிமாஸ் தயாரிக்கும் இப்படம் தமிழ், தெலுங்கு, இந்தி என மூன்று மொழிகளில் ஒரே நேரத்தில் உருவாகிறது. இந்தப் படத்தின் கதாநாயகியாக ராஷ்மிகா மந்தனா நடிக்க தெலுங்கு முன்னணி நடிகர் நாகார்ஜுனா முக்கிய கதாபாத்திரத்தில் நடிக்கிறார். தேவி ஸ்ரீபிரசாத் இசையமைக்கிறார். இந்தப் படத்தின் படப்பிடிப்பு திருப்பதி, தாய்லாந்து, மும்பை பகுதிகளில் நடைபெற்று முடிந்தது. தற்போது அடுத்தக்கட்ட படப்பிடிப்பு ஐதராபாத்தில் துவங்கியுள்ளது. சமீபத்தில் முதல்காட்சி பதாகை வெளியானது. அதைத்தொடர்ந்து நாகார்ஜுனா, ராஷ்மிகா மந்தனா ஆகியோரின் கதாபாத்திர அறிமுக காணொளி வெளியாகி வரவேற்பை பெற்றது. இதற்கிடையில், படத்தின் முன்னோட்டம் வருகிற 15-ம் தேதி வெளியிடுவதாகத் தயாரிப்பு நிறுவனம் அறிவித்துள்ளது. இந்த நிலையில் தற்போது நடிகை ராஷ்மிகா மந்தனா இப்படம் குறித்த பதிவேற்றம் ஒன்றை வெளியிட்டுள்ளார். அதில் இன்னும் 5 நாட்களில் இப்படத்தின் முதல் காணொளி வெளியாகும் என்று தெரிவித்துள்ளார்.