கொழும்பில் பிரபல தமிழர் அரசியல் தலைவர் மனோ கணேசன் அவர்களைச் சந்தித்த’ கனடா உதயன்’ குழுவினர்

சில நாட்களுக்கு முன்னர் யாழ்ப்பாணத்திலும் கொழும்பிலும் நிகழ்ச்சிகளிலும் சந்திப்புக்களிலும் கலந்து கொண்ட கனடா உதயன் பிரதம ஆசிரியர் கொழும்பில் பிரபல தமிழர் அரசியல் தலைவர் மனோ கணேசன் அவர்களையும் சந்தித்து உரையாடினார். மனோ கணேசன் அவர்கள் கனடா உதயன் வார இதழில் தொடர்ச்சியாக அரசியல் கட்டுரைத் தொடர் ஒன்றை எழுதி வருகின்றார் என்பது இங்கு குறிப்பிடத்தக்கது.

மேற்படி சந்திப்பின்போது இலங்கையின் மூத்த பத்திரிகையாளரும் ‘ கனடா உதயன்’ பத்திரிகைக்குழுவின் அங்கத்தவருமான வீ. தேவராஜ் அவர்களும் உடனிருந்தார்.

இலங்கை மற்றும் இலங்கைத் தமிழர் மற்றும் மலையகத் தமிழர் அரசியல் விவகாரங்கள் ஆகியவை தொடர்பாகவும் கனடா உதயனின் செயற்பாடுகள் தொடர்பாகவும் உரையாடினார்கள்.

மனோ கணேசன் அவர்களின் வாசஸ்தலத்தில் இடம்பெற்ற இந்த சந்திப்பு சில மணிநேரம் நீடித்தது.