இஸ்லாமியர்களுக்கு எதிராக மோடி பிரசாரம் செய்த தொகுதியில் காங்கிரஸ் வெற்றி; குஜராத்தில் 10 ஆண்டுக்குப்பிறகு வெற்றிக் கணக்கை தொடங்கியது

குஜராத் பனஸ்கந்தா தொகுதியில் பாஜக வேட்பாளர் ரேகாபென் சவுத்ரியை எதிர்த்து காங்கிரஸ் சார்பில் போட்டியிட்ட ஜெனிபென் தாக்குர் வெற்றி பெற்றார். வாவ் தொகுதியில் 2 முறை எம்எல்ஏ ஆகத் தேர்வான தாக்குர் இம்முறை 30,406 வாக்குகள் வித்தியாசத்தில் பாஜக வேட்பாளரை வீழ்த்தி வெற்றி வாகை சூடியுள்ளார். இவரது வெற்றியால் குஜராத்தில் காங்கிரஸின் மக்களவை உறுப்பினர் கனவு 10 ஆண்டுகளுக்குப் பிறகு நனவாகியுள்ளது.

“2 எருமைகள் இருந்தால் காங்கிரஸ் அதில் ஒன்றைப் பிடுங்கி இஸ்லாமியர்களிடம் கொடுத்து விடுவார்கள்” என்று மோடி பேசிய இடம் – பனஸ்கந்தா. அங்கு தான் பாஜகவை நேரடியாக வீழ்த்தி ஜெனிபென் தாக்குருக்கு வெற்றியை வழங்கியுள்ளனர் குஜராத் மக்கள்.

1975 ஜனவரி 1-ல் பிறந்த ஜெனிபென் தாக்குர். ஜெயின் விஸ்வபாரதி இன்ஸ்டிடியூட்டில் பி.ஏ. பட்டம் பெற்றவர். 2012-ல் வாவ் தொகுதியில் சட்டப்பேரவைக்கு போட்டியிட்டு தோல்வியடைந்தார். ஐந்து ஆண்டுகளுக்குப் பிறகு 2017-ல் பாஜக மூத்த தலைவர் சங்கர் சவுத்ரியை 6,000 வாக்குகள் வித்தியாசத்தில் வென்று வலிமையான பெண்மணிஎன்ற பெயரைப் பெற்றார்.

2022-ல் தனது இடத்தை மீண்டும் தக்கவைத்துக் கொண்டார். காங்கிரஸ் தலைவர் ராகுல் காந்தியை எம்.பி. பதவியிலிருந்து நீக்கியதற்கு எதிர்ப்பு தெரிவித்து அ்மளியில் ஈடுபட்டதால் குஜராத் சட்டப்பேரவையில் இருந்து சஸ்பெண்ட் செய்யப்பட்ட 16 எம்எல்ஏக்களில் இவரும் ஒருவர்.