விஜய் ஆண்டனி நடித்த ‘மழை பிடிக்காத மனிதன்’ முன்னோட்டம் வெளியீடு!

இசையமைப்பாளராக தன்னுடைய சினிமா வாழ்க்கையை துவங்கியவர் விஜய் ஆண்டனி. இவர் தொடர்ந்து நடிகர், தயாரிப்பாளர், பாடகர், இயக்குநர் என பன்முகம் காட்டி வருகிறார். சமீபத்தில் இவரது நடிப்பில் வெளியான ரோமியோ திரைப்படம் கலவையான விமர்சனங்களை பெற்றது. இந்த படத்தின் வசூல் சிறப்பாகவே அமைந்தது. இதனையடுத்து, விஜய் ஆண்டனி நடித்துள்ள புதிய படமான ‘மழை பிடிக்காத மனிதன்’ படத்தின் அறிவிப்பு வெளியானது. விஜய் மில்டன் இயக்கத்தில் உருவாகி இருக்கும் இந்த படத்தில் சத்யராஜ், டாலி தனஞ்சயா, முரளி ஷர்மா, மேகா ஆகாஷ், தலைவாசல் விஜய், சரண்யா பொன்வண்ணன் மற்றும் பிருத்வி அம்பெர் உள்ளிட்டோர் முக்கிய கதாபாத்திரங்களில் நடித்துள்ளனர். இப்படத்தில் சரத்குமார் முக்கிய கதாபாத்திரத்தில் நடித்துள்ளார். விஜய் ஆண்டனி பாடல்களுக்கு மட்டும் இசை அமைக்க, அச்சு ராஜாமணி பின்னணி இசையை அமைத்துள்ளார். இப்படத்தை கமல் போஹ்ரா, லலிதா, பிரதீப் மற்றும் பன்கஜ் போஹ்லரா இணைந்து தயாரித்துள்ளனர். இந்நிலையில், ‘மழை பிடிக்காத மனிதன்’ படத்தின் முன்னோட்டம் வெளியாகியுள்ளது. இதனை விஜய் ஆண்டனி தனது அதிகாரப்பூர்வ எக்ஸ் பக்கத்தில் வெளியிட்டார். படம் ஜூலையில் திரைக்கு வரும் என அறிவிக்கப்பட்டுள்ளது.