செல்போனால் வந்த வினை: 15 வயது சிறுமி 5 மாத கர்ப்பம் தரித்தாள்

சென்னை புளியந்தோப்பு பகுதியில் வசித்து வருபவர் 40 வயது பெண். இவரது கணவர் மனநிலை பாதிக்கப்பட்டு வீட்டில் இருந்து வருகிறார். இவர்களுக்கு 17 வயதில் ஒரு மகனும் 15 வயதில் ஒரு மகளும் உள்ளனர். மகள் 9ஆம் வகுப்பு வரை படித்து விட்டு படிப்பு சரியாக வராததால் வீட்டில் இருந்து வருகிறார். இந்நிலையில், சிறுமி அதிக நேரம் செல்போனை பயன்படுத்தி வந்தார். இந்நிலையில் கடந்த வாரம் புளியந்தோப்பு பகுதியை சேர்ந்த சிலர், சிறுமியின் வீட்டுக்கு வந்துள்ளனர். அப்போது அவர்கள், உனது மகள் கர்ப்பமாக இருப்பதாகவும், அதற்கு எங்கள் மகன்தான் காரணம் என கூறுகின்றனர். உனது மகளை கண்டித்து வை’ என கூறி சண்டை போட்டனர். இதனால் அதிர்ச்சி அடைந்த தாய், உடனடியாக சிறுமியை எழும்பூர் குழந்தைகள் நல மருத்துவமனைக்கு அழைத்துச் சென்று சோதனை செய்துள்ளார். அப்போது சிறுமி 5 மாத கர்ப்பமாக இருப்பது தெரியவந்தது. விசாரணையில், 8 மாதமாக செல்போனில் இன்ஸ்டாகிராமில் புளியந்தோப்பு வஉசி நகர் பகுதியைச் சேர்ந்த 15 வயது சிறுவனுடன் பழகி வந்ததும், அந்த சிறுவன் சிறுமியின் வீட்டில் யாரும் இல்லாத போது அடிக்கடி வந்து சிறுமியுடன் உல்லாசமாக இருந்ததும் தெரியவந்தது. மேலும், சிறுவனின் வீட்டில் ஆட்கள் இல்லாதபோது அழைத்துச் சென்று அங்கும் உல்லாசமாக இருந்துள்ளார். இதுகுறித்து புளியந்தோப்பு அனைத்து மகளிர் காவல் நிலையத்தில் சிறுமியின் தாய் புகார் அளித்தார். இதையடுத்து, போக்சோ சட்டத்தின் கீழ் போலீசார் வழக்குப்பதிவு செய்து விசாரித்து வருகின்றனர்.